Konsert milli musiqilərlə qəlblərə nur saçmaqla yanaşı, tamaşaçılara Azərbaycan kəlağayısının zəngin tarixini və zərif gözəlliyini təqdim edəcək. Mirvarid Dilbazi Poeziya Məclisi İctimai Birliyi tərəfindən təşkil olunan bu proqram, Azərbaycan mədəniyyətinin nadir incilərindən biri olan kəlağayının şöhrətinə həsr olunub. Konsertdən öncə foyedə Kəlağayı Muzeyinin eksponatlarından ibarət sərgi təşkil ediləcək.