29 sentyabr saat 19:00-da Fikrət Əmirov adına Gəncə Dövlət Filarmoniyasında Xalq Çalğı Alətləri Orkestrinin müşayiəti ilə görkəmli bəstəkar, Xalq artisti Səid Rüstəmovun mahnılarından ibarət konsert proqramı baş tutacaq. Gecədə filarmoniyanın solistlərinin ifasında bəstəkarın "Oxu tar", "Bahar olsun", "Alagöz", "Qurban adına", "Hardasan", "İntizar", "Gəlmədin","Azərbaycan" mahnıları səsləndiriləcək.