Dörd ildir ki, müxtəlif mövzulara toxunaraq geniş auditoriyanın maraq dairəsində olan “Söhbətgah” podkastı bu dəfə dinləyicilərinin qarşısına canlı çıxır.
Azərbaycanın ən çox dinlənilən podkast layihələrindən biri olan “Söhbətgah” Nizami Kino Mərkəzində keçiriləcək xüsusi tədbirdə sevənləri ilə bir araya gələcək. Ölkəmizdə bir ilk kimi keçiriləcək bu tədbir üç mərhələdən ibarət olacaq. Birinci hissədə “Kapitalizm, iqtisadi modellər və solçuluq” mövzusu müzakirə olunacaq və iştirakçılarla birgə dünyaya fərqli prizmadan baxış imkanı yaradılacaq. İkinci hissədə isə “Axtarış” başlığı altında insanın öz iç dünyasına yönəlməsi, mənəvi təhlillər və şəxsi axtarışlar ətrafında dərin söhbətlər aparılacaq. Üçüncü mərhələ isə çox sevilən "Münasibət" olacaq.
Qeyd edək ki, tanınmış qonaqlar, düşündürücü dialoqlar və interaktiv atmosfer sözügedən podkast tədbirini unudulmaz edəcək. Qeyd dəftərlərinizi götürməyi unutmayın, çünki “Söhbətgah” sizi həm düşündürəcək, həm də əyləndirəcək!
