Martın 16-da Heydər Əliyev Sarayında görkəmli bəstəkar və pianoçu Vaqif Mustafazadənin xatirəsinə həsr olunmuş konsert proqramı keçiriləcək. Konsertdə Respublikanın Xalq artisti Faiq Sücəddinov, Əməkdar artist Akif Süleymanbəyli, Əməkdar İncəsənət Xadimi Cavan Zeynallı, “Səs Azərbaycan” müsabiqəsinin qalibi Emiliya Yaqubova, Teymur Süleymanbəyli, Azad Şabanov, Humay Süleymanbəyli, Hüseyn Abdullayev, Nəzrin Zərbəliyeva, Natavan Cəbizadə, Tofiq Həsənsoy, “Aysel” rəqs qrupu və V.Mustafazadə adına 2 saylı uşaq incəsənət məktəbinin istedadlı şagirdləri iştirak edəcəklər. Caz musiqisi axşamında konsert iştirakçıları Vaqif Mustafazadənin müəllifi olduğu əsərləri səsləndirəcəklər.