“İki küpəgirən qarı” (Ə.Əlizadə, R.Sef, T.Karelina) tamaşası teatr repertuarında həm Azərbaycan, həm də rus dillərində müxtəlif seanslarda nümayiş olunur. Balaca teatrsevərlər üçün nəzərdə tutulan bu tamaşanın quruluşçu rejissoru rejissoru Əhəd Hacıyev, quruluşçu dirijoru Əməkdar incəsənət xadimi Fəxrəddin Atayev, dirijoru Səməd Süleymanlı, quruluşçu baletmeysteri teatrın balet artisti Məhəmməd Abdullayev, səhnə tərtibatçısı Qabil Gözəlov, geyim üzrə rəssamı Nübar Hüseynova, konsertmeysteri Kamil Həsənov, rejissor assistenti Tamilla Aslanovadır.
Rol bölgüsünə əsasən, tamaşada Əməkdar artist Səidə Şərifəliyeva, aktyorlar Nicat Əli, Yuliya Heydərova, Valeriya İskəndərova, Olqa Georgiyeva, Adelin Öztürk, Rauf Babayev, Leonid Klets, Ayan Qurbanova, Murad Əliyev və balet artistləri iştirak edəcəklər.
