Bu tədbir QR bilet formasında və ya fiziki bilet olaraq şəhərin kassalarında satılır. QR biletlər tədbir günü aktiv olacaqdır. QR biletlərinizi istifadə etmək üçün iTicket.AZ mobil tətbiqində şəxsi hesabınıza daxil olmalısınız.
QR bilet haqqında daha ətraflı:  QR bilet

“Harri Potter və Azkaban Məhbusu” (2004) – C.K. Roulinqin eyniadlı romanı əsasında çəkilmiş və seriyanın ən sirli, ən qaranlıq fəsillərindən birini ekrana gətirən filmdir. Harri yeni tədris ili üçün Hoqvartsa qayıdır, lakin bu dəfə onu ölümcül bir təhlükə gözləyir – məşhur Azkaban həbsxanasından qaçan Sirius Blek. O, Lord Voldemortun ən sadiq tərəfdarlarından biri hesab olunur və şayiələrə görə, məhz Harrinin izinə düşüb.

Bu arada məktəbi soyuq və qorxunc bir təhlükə bürüyür – Azkabanın qorxunc mühafizəçiləri olan dementorlar Hoqvartsı mühasirəyə alaraq qorxu saçır. Harri, Ron və Hermiona bu sirli qaçışın arxasındakı həqiqəti öyrənməyə çalışırlar və bu həqiqət onların bildikləri hər şeyi alt-üst edəcək.

Alfonso Kuaronun rejissorluğu ilə çəkilmiş “Harri Potter və Azkaban Məhbusu” sadəcə sehrbazlıq dünyasının davamı deyil, həm də qaranlıq sirrləri açan və Harri Potterin taleyini yeni bir səmtə yönləndirən möhtəşəm bir macəradır.