"Nadir Muğam İfaçıları" layihəsinə start verilir!
Layihənin məqsədi Azərbaycan muğamının nadir və dəyərli ifaçılarının yaradıcılığını işıqlandırmaq, yaşatmaq və gələcək nəsillərə ötürməkdir. İlk tədbir, muğam sənətinin dərin bilicisi və sevilən xanəndə, Xalq artisti Hacıbaba Hüseynovun zəngin yaradıcılığına ithaf ediləcək.
Layihə çərçivəsində digər ustad xanəndələrin də musiqi irsi geniş auditoriyaya çatdırılacaq, beləliklə, Azərbaycan muğamının nadir sədalarını təbliğ etməyə davam edəcəyik.
Hacıbaba Hüseynovun repertuarında özünəməxsusluğu və sənətkarlığı ilə seçilən bir sıra muğamlar və təsniflər yer alırdı. Gecədə onun ifasında ən məşhur olan əsərlərdən "Rast", "Segah", "Çahargah", "Bayatı-Şiraz" muğamları, "Qarabağ şikəstəsi", "Şahnaz", "Heyratı", "Kürdü-Şahnaz" təsnifləri səslənəcəkdir.
