Denis Matsuev

B.e. 8.04.2019 19:00

Heydər Əliyev Sarayı

M 20 - 220

Tədbir bitib
Tədbir bitib
  • 8 aprel tarixində dünyaca məşhur virtuoz pianoçu, Rusiyanın xalq artisti, YUNESKO-nun Xoşməramlı səfiri
    – Denis Matsuyev Heydər Əliyev Sarayının səhnəsində solo praqramı ilə çıxış edəcək.
    Denis Matsuyevın adı rus fortepyano məktəbinin ənənələri ilə, konsertlərin dəyişilməz keyfiyyəti,
    yaradıcılıq konsepsiyalarının yeniliyi və bədii interpretasiyaların dərinliyi ilə ayrılmaz surətdə bağlıdır.
    Onu haqlı olaraq zəmanəmizin ən görkəmli pianoçularından biri adlandırırlar.
    Musiqiçinin sürətli yüksəlişi 1998-ci ildə Moskvada P.İ.Çaykovski adına XI Beynəlxalq müsabiqəsindəki
    qələbədən sonra başlayıb. Bu gün Denis Matsuyev – dünyanın ən yaxşı konsert zallarının arzuolunan
    qonağı, ən nəhəng musiqi festivallarının mühüm iştirakçısı, Rusiya, Avropa, Şimali Amerika və Asiya
    ölkələrinin aparıcı simfonik orkestrlərinin daimi tərəfdaşıdır.
    Denis Matsuyevın səhnə partnyorları arasında dünyaca məşhur ABŞ kollektivləri (Nyu York, Çikaqo,
    Pittsburq, Sinsinnati simfonik orkestrləri), Almaniya (Berlin filarmoniyasının orkestrləri, Bavaria radiosu,
    Leypsiqin Gewandhaus-u), Fransa (Milli Orkestr, Paris Orkestri, Fransız radiosunun Filarmonik orkestri,
    Tuluza Kapitoliyasının Orkestri), Böyük Britaniya (BBC Orkestri, Londonun simfonik və Filarmonik
    orkestrləri, Şotlandiya Kral Milli Orkestri), və həmçinin La Scala teatrı, Vyana Simfonik, Rotterdam
    Filarmonik, Budapeştin və Verbyenin Festival orkestrləri mövcuddur. Bunların hamısı pianoçunun dünya
    musiqi elitasının arasında yüksək reytinqinin sübutudur.
    Pianoçunun solo proqramla triumfal çıxışı Nyu Yorkun Karnegi Xollunda 2007-ci ilin noyabrında baş
    tutmuşdur. 2008-in sentyabrında isə nəhəng Sony Music şirkəti tərəfindən "Denis Matsuev. Concert at
    Carnegie Hall" albomu buraxılmışdır. “Çaykovski orketri ilə fortepiano konserti № 1 və № 2”
    İngiltərənin ən nüfuzlu Gramophone jurnalı tərəfindən 2014-ün aprelində “Ayın Albomu” adına
    layiq görülmüşdür. Onun məharətli oyunu haqqında rəylər dəfələrlə New York Times, The
    Guardian, Gramophone, Classics Today və s. kimi dünyanın aparıcı nəşrlərində dərc
    olunmuşdur.
Faydalı məlumat
Dil:
Azərbaycanca
Tədbirin davam etmə müddəti:
19:00 - 21:00 - B.e., 8 Apr
Keçirilmə məkanı

Heydər Əliyev Sarayı

Ünvan
Bülbül prospekti 35, Bakı, Azərbaycan
Telefon
(+994 12) 441 21 31