Azərbaycan teatrının "ƏSA"sından növbəti tamaşa nümayişi! Əlilliyi olan aktyorlardan ibarət ölkənin ilk və tək inklüziv teatrı olan ƏSA Teatrı çoxdandır gözlənilən “Adamlar və siçanlar - 2” tamaşasının nümayişini həyata keçirəcək. Amerikalı yazıçı, Nobel və Pulitzer mükafatı laureatı Con Steynbekin “Siçanlar və insanlar haqqında” povesti əsasında hazırlanan tamaşanın nümayişi “AccessBank”ın baş sponsorluğu ilə 28 fevral saat 19:15-da Azərbaycan Dövlət Gənc Tamaşaçılar Teatrının səhnəsində baş tutacaq. Quruluşçu rejissor və bəstəkar: Nihad Qulamzadə Rejissor: Elşən Əsgərov Baş prodüser: Nicat Qulam