Xalq artisti, tarzən Firuz Əliyev tar ifaçılıq məktəbinin görkəmli nümayəndələrindən biridir. İfaları həmişə sevilə-sevilə dinlənilir. İndiyədək dünyanın bir çox ölkələrində Azərbaycan muğamını, tar ifaçılıq sənətimizi təbliğ edən sənətkarın yubiley gecəsində yaradıcılıq yoluna nəzər salınacaq, tanınmış xanəndələrin iştirakı ilə konsert proqramı təqdim olunacaq.
Gecədə Xalq artistləri Alim Qasımov, Aygün Bayramova, Gülyanaq Məmmədova, Ənvər Sadıqov, Əməkdar incəsənət xadimi Aqil Məlikov, Əməkdar artist Nuriyyə Hüseynova, BMM-nin solistləri Mirələm Mirələmov, Hüseyn Məlikov , ifaçılar Emin Bədəlov, Əli və Abbas Əliyevlər çıxış edəcək. Müşayiət edir : İnstrumental ansambl – bədii rəhbər Rövşən Qurbanov.
