Hörmətli musiqisevərlər! Bu axşam sevdiyiniz heyətlərdən biri - "QAYA" Dövlət Ansamblının ifasında yeni konsert proqramı sizləri gözləyir. Dahi Azərbaycan klassik bəstəkarı Üzeyir Hacıbəylinin "Arşın mal alan" musiqili komediyası əsasında yeni işləmələr - ansamblın çoxdan işlədiyi layihələrdən biridir. Silsilə musiqili komediyanın əsas solo və xor nömrələrinin çoxsəsli estrada-caz üslubunda işləmələrini daxil edir. Təqdim edilən "Arşın mal alan" fantaziyasının müəllifləri - Respublikanın Xalq artisti, əfsanəvi "Qaya" Kvartetinin solisti Rauf Babayev və “Qaya” Dövlət Ansamblının artisti bəstəkar, aranjimançı  Nazim Əhmədovdur. Musiqi axşamının davamı olaraq ansamblın ifasında məşhur mahnıları da  dinləyəcəksiniz.