İyulun 4-də  Beynəlxalq Muğam Mərkəzində tanınmış musiqiçi, tarzən, Xalq artisti  Qurban Pirmovun 145 illik yubileyi qeyd olunacaq.
Tədbirdə tanınmış mədəniyyət xadimləri, musiqiçilər sənətkarın həyat və yaradıcılığından söz açacaq, tarzənin  Azərbaycan musiqisinin inkişafı naminə gördüyü işlərdən danışacaqlar.
Qurban Pirmov 1880-ci ilin oktyabrında Ağdamın Abdal Gülablı kəndində anadan olub. O, müasir Azərbaycan tarının yaradıcısı olan Sadıqcandan dərs alıb. 1905-ci ildən Cabbar Qaryağdıoğlu və S.Oqanezaşvili ilə birlikdə musiqi üçlüyü yaradıb. Q.Pirmovun ifa etdiyi muğamlar 1912-ci ildə Varşavada “Sport-rekord” şirkəti tərəfindən qrammofon valına yazılıb.
Qurban Pirmov 1965-ci il avqustun 29-da Bakıda vəfat edib.