Unudulmaz xanəndə və pedaqoq Nəriman Əliyev Seyid Şuşinskinin xanəndəlik sinfində təhsil alıb, ustaddan muğamın sirlərini öyrənib, pedaqoq kimi müəlliminin metodlarını mənimsəyib. 
Nəriman Əliyev 1965-ci ildən 1997-ci ilə kimi məzunu olduğu Asəf Zeynallı adına Bakı Musiqi Texnikumunun xanəndəlik sinfində dərs deyib. Nəriman Əliyev pedaqoqluq fəaliyyəti ərzində çoxlu xanəndələr yetişdirib.  Ustad-xanəndənin 95 illik yubileyinə həsr olunan gecədə tələbələri çıxış edəcək, birgə çalışdığı ifaçılar xatirələrini bölüşəcəklər.