ROMAN, "Ölkənin səsi 7" (Potapın komandası) televiziya şousunda iştirakı sayəsində ölkədə və xaricdə geniş tanınan ukraynalı müğənnidir. Sənətçinin unikal səs tembri bir çox səhnələri fəth edib və ilk görüşdə sizi mütləq bu xarizmatik Odessalıya aşiq edəcək.
Azərbaycanın Əməkdar İncəsənət Xadimi Əlibala Rzayevin rəhbərliyi ilə Dövlət Nəfəs Orkestri caz və estrada musiqisinin şedevrlərini ifa edəcək. Tamaşaçıları möhtəşəm biq-bend ifasında sevimli hitlərin fırtınası gözləyir.
M.Maqomayevin, Frenk Sinatranın, Co Kokerin, Tom Consun, Ella Fitsceraldın, L.Armstronqun musiqisi köhnəlmir, onlar illər keçdikcə klassikaya çevrilib. Birgə eksperimentlər keçirərək orkestr məşhur melodiyaların ifasında özünəməxsus üslub yaradıb.
