S.Raxmaninov – 150 “Mən peyğəmbər deyiləm...”
18 aprel 2023-cü ildə Beynəlxalq Muğam Mərkəzində “BakuOperArt”ın layihəsi çərçivəsində dahi rus bəstəkarı S.V.Raxmaninovun romanslarından ibarət kamera-vokal konserti keçiriləcək. Dünya musiqi mədəniyyətində özünəməxsus yerə malik görkəmli bəstəkar S.V.Raxmaninovun anadan olmasının 150 illik yubileyi münasibətilə bir sıra ölkələrdə konsert proqramları keçirilir.
Beynəlxalq Muğam Mərkəzində keçiriləcək “Mən peyğəmbər deyiləm...” adı ilə maraq doğuran konsertin bədii rəhbəri Yuliya Kərimova (piyano) və solistlər Azərbaycan Respublikasının Əməkdar artistləri Fəridə Məmmədova (soprano), İlham Nəzərov (kontratenor) və beynəlxalq müsabiqələr laureatı Mahir Tağızadədir (bariton). S.Raxmaninovun bir-birindən gözəl, insanın ruhunu oxşayan musiqisi nümunələri ilə düşünməyə sövq edən poeziyanın fərqli səs tembrinə malik ifaçıların təfsirində səsləndirilməsi sanki insan ruhunun onu Yaradanın qarşısında tövbəsi olacaq...
Fəridə Məmmədova ( soprano).
İlham Nəzərov ( kontratenor).
Mahir Tağızadə ( bariton).
Yuliya Kərimova ( piano )
