Şelkunçik

Ölkə: Rusiya
İl: 2024
Janr: Balet
Rejissor: Yuri Qriqoroviç
Müddət: 2s 16d
Rollarda: Mariya Koşkaryeva, Ruslan Skvortsov, Dmitri Viskubenko

Böyük Teatrın tarixi səhnəsindən sehrli Milad nağılı.

Əsas Milad bayramının nağılı, yeni il şənliklərinin mütləq tərkibi, möcüzələr və sehr, bayram əhvalı, dahi və sevilən musiqi – bunların hamısı Hofmanın nağılı üzərində qurulmuş sehrli Şelkunçik baletində.

Şelkunçik - əsl Yeni il nağılıdır. Yuri Qriqoroviçin baleti isə bütün “Şelkunçik”ların arasında bu bayrama ən çox yaraşanıdır. Musiqinin ilk sədalarında, səhnə üzərində uçan ilk qar dənəciyindən tamaşaçıları əsl bayram əhvalı bürüyür. Gözəl paltarlı qızlar, əllərində qılınc tutan oğlanlar, Drosselmeyerın göz oxşayan oyuncaqları və nəhayət ən gözəl musiqi sədalarında şam ağacının böyüməsi yaşlı tamaşaçıları möcüzə gözləyən uşaqlara çevirir. Və möcüzə mütləq baş verəcək. O ki, bütün bu əhvalat axırda balaca qızın bir yuxusu olması isə təbiidir, axı Yeni il hələ arzulamaq və nağılabənzər yuxular görmək üçündür.

Böyük Teatrın Şelkunçik tamaşasını kinoteatrlarda izləmək artıq Rusiyanın fərqli şəhərlərində tamaşaçılar üçün bir gözəl ənənəyə çevrilib. Möcüzə darıxdırıcı ola bilməz! Möcüzə başlanacaq və yalnız böyük teatr və onun istedadlı aktyorlarının bacardığı sehr bərqərar olacaq.