Azərbaycan İnsan Resursları Peşəkarları (AİRP) platforması 4 may tarixində Bakı Konqres Mərkəzində “insan resursları biznes tərəfdaşı” şüarı ilə AİRP 2019 İnsan Resursları Konfrans və Sərgisi tədbirini keçirir.   Tədbirin məqsədi: Konfransın məqsədi insan resursları funksiyasının şirkətin inkişafında əhəmiyyətli rolunun çatdırılması, insan resursları əməkdaşlarının şirkətlərində dəyişiklik yaradacaq insan resursları təcrübələrinin mənimsəyib şirkətlərində tətbiq etmələri, iştirakçılar və spikerlər arasında peşəkar əməkdaşlıqların qurulması və qısaca olaraq Azərbaycanda insan resurslarının dəyərinin artırılması və insan resursları sahəsinin inkişaf etdirilməsində əhəmiyyətli tövhə verməkdir.   Tədbirin keçirilmə formatı: Tədbirin faydalığının artırılması və insan resursları sahəsinə yuxarı rəhbərliyin diqqətinin artırılması məqsədi ilə bu il tədbirin açılışından sonra bütün iştirakçılar yuxarı rəhbərlərin (CEO və s.) və insan resursları rəhbərlərinin (HR direktor və s.) əsas spiker olaraq yer alacaqları sual-cavab sessiyalarında iştirak edəcəklər Tədbirin açılışından əvvəl və əsas spikerlərin sessiya çıxışlarından sonra və nahar fasiləsində insan resursları sahəsində fəaliyyət göstərən müxtəlif şirkətlərin (təlim, konsultasiya və s.) yer aldığı sərgi stendində iştirakçılar öz şirkətləri üçün həllər təklif edən xidmətlərlə tanış olacaqlar. Tədbirin iştirakçılar üçün maksimum faydalı olması üçün hər 3 auditoriya səviyyəsinə uyğun 45-50 dəqiqə davam edəcək sahənin ən peşəkalarından yalnız və yalnız praktiki sessiyalarda (workshop) iştirak edəcəklər.