*Tədbirdə yalnız azyaşlılar (8-12 yaş arası) iştirak edir, valideynlər tədbir bitdikdən sonra övladlarını götürə bilərlər.*
• Bir şəxsiyyəti vəsiqəsi ilə yalnız iki bilet əldə oluna bilər.
• Xahiş edirik, şəxsiyyət vəsiqənizi özünüzlə götürməyi unutmayın.
• Biletin etibarlığı tədbirin başlamasından 10 dəqiqə sonra quvvədən düşür və iştirakçılar canlı növbə ilə tədbirə buraxılır.
• Biletin çap olunmuş və ya elektron versiyası festivalda iştirak müddətində üzərinizdə saxlanılmalıdır.
11 iyun – 12:00 (8-12 yaş)
Mövzu: “Öz qəhrəmanını yarat”
Tyutor: Alp Gökalp
Məkan: YARAT Müasir İncəsənət Mərkəzi
Ustad dərsi zamanı iştirakçılar türkiyəli gənc yazar Alp Gökalpın müəllifi olduğu uşaq kitabları ilə tanış olacaqlar. Onlar həmin kitablar əsasında hekayə yaradıcılığının istiqamətlərini, eləcə də arxetiplərin yaradılma prosesini öyrənəcəklər. Praktiki hissədə isə öyrəndiklərinə əsasən öz qəhrəmanlarını rəsm vasitəsi ilə təsvir edəcəklər.
18 iyun – 12:00 (8-12 yaş)
Mövzu: “Simvolikalarla ifadə”
Tyutor: Ramal Kazım
Məkan: YARAT Müasir İncəsənət Mərkəzi
Ustad dərsində iştirakçılar rəssam Ramal Kazımla birlikdə incəsənətin müxtəlif simvolikalarını öyrənəcəklər. Daha sonra bu simvolikalarla sangina və sous qrafika texnikaları vasitəsilə gündəlik həyatda qarşılaşdıqları müəyyən çətinlikləri əks etdirən əsərlər yaratmağa çalışacaqlar.
25 iyun – 12:00 (8-12 yaş)
Mövzu: “Fotohekayə”
Tyutor: Eltac Zeynalov
Məkan: YARAT Müasir İncəsənət Mərkəzi
İlk öncə fotoqraf Eltac Zeynalov iştirakçılara fotohekayə və portret janrından, daha sonra fotokompozisiyaların qurulmasından bəhs edəcək. Praktiki hissədə isə ustad dərsinin iştirakçıları fotoportretlər yaradacaqlar.
