Uşaqlar üçün “MaskArt” adlı rəngarəng və əyləncəli master-klass keçiriləcək!

1 noyabr tarixində Azərbaycan Dövlət Rəsm Qalereyasının təşkilatçılığı ilə Muzey Mərkəzinin Dairəvi zalında 15 yaşınadək uşaqlar üçün “MaskArt” adlı rəngarəng və əyləncəli master-klass keçiriləcək!

Bu tədbirdə uşaqlar rəssamın bələdçiliyi ilə maska üzərində rəsmlər çəkəcək, qorxulu, şən və sirli obrazlar yaradaraq Halloween ab-havasına rəng qatacaqlar!

Burada hər fırça izi - bir təxəyyül hekayəsi, hər maska - kiçik sənət əsəri olacaq!

Uşaqlar üçün həm öyrədici, həm də əyləncəli keçiriləcək master-klass onları sənətin sehrinə aparacaq.