Azərbaycan Milli Xalça Muzeyində uşaqlar üçün “Qış nağılı” Yeni il proqramı
Dekabrın 21-də Azərbaycan Milli Xalça Muzeyində məktəbəqədər uşaqlar və məktəblilər üçün Yeni il proqramı təşkil olunacaq.
Muzeyin Uşaq şöbəsi tərəfindən Şaxta baba və Qar qızın iştirakı ilə baş tutacaq əyləncəli, rəngarəng bayram tədbirində balaca dostlarımızı maraqlı konsert proqramı, rəsm sərgisi gözləyir. Yeni il proqramına müxtəlif ustad dərsləri – qar adamı yumşaq oyuncağının, yeni il aksesuarlarının hazırlanması, boşqab, kətan üzərində rəsm, gips fiqurların rənglənməsi, face art və s. də daxildir.
Əziz uşaqlar festivala qatılmaqla siz həm əylənəcək, həm də öz istedad və bacarığınızı göstərmək şansı qazanacaqsınız. Vaxtınız səmərəli və maraqlı keçirmək istəyirsinizsə, dekabrın 21-də Azərbaycan Milli Xalça Muzeyinə gəlin!
Ustad dərsləri:
- Qar adamı yumşaq oyuncağının hazırlanması – 10 AZN
- Boşqab üzərində rəsm – 12 AZN
- Şam ağacı qozasından oyuncağın hazırlanması – 10 AZN
- Kətan üzərində rəsm – 12 AZN
- Qips figurların rənglənməsi (Yaş: 6+) – 10 AZN
- Yeni il aksesuarlarının hazırlanması – 10 AZN
- Face ART – 10 AZN
Qeyd: İki ustad dərsinə qatılan uşağa bir yeni il aksesuarı hədiyyə olunacaq.
