İnsan Resursları və İdarəetmə Forumu

3 iyun 2023-cü il tarixində ASAN İnnovativ İnkişaf Mərkəzinin təşkilatçılığı Ümumilli lider Heydər Əliyevin 100 illik yubileyinə həsr olunmuş İnsan Resursları və İdarəetmə Forumu təşkil olunacaq. Baku Marriott Boulevard Hotelində baş tutacaq tədbirdə İnsan Resursları və İdarəetmə sahəsi üzrə yerli və xarici ekspertlərin, eləcə də 800-ə yaxın mütəxəssisin iştirakı planlaşdırılır. Forumun məqsədi ən son inkişaf və yeniliklərə diqqət yetirmək, innovativ, işgüzar və səmərəli təcrübələri paylaşmaq, eləcə də peşəkar mühitdə ümumi mövzuları müzakirə etməkdir.

Həmçinin, İnsan resursları və idarəetmə sahəsində fəaliyyət göstərən şirkətlər üçün ən son trendlər, inkişaf yönümləri və innovativ yanaşmalar haqqında yeni bir baxış açısı təqdim edəcək və iştirakçılar üçün dəyərli işgüzar əlaqələrin yaranması imkanı da yaranacaq.

Forumda iştirak edəcək şəxslərə sertifikat təqdim olunacaq.

Forum 3 paneldən ibarət olacaq. 

I Panel Mövzu: Liderlik vizyonu, innovativ inkişaf və strategiyanın icra edilməsi
II Panel Mövzu: Kouçvari yeni nəsil idarəetmə, loyallıq və motivasiya
III PANEL Mövzu: DATA mərkəzli rəqəmsal İR idarəetməsi, OKR

Forum sonunda spiker və iştirakçılara hədiyyələr təqdim ediləcək.