«Eşq və Ölüm» baleti bir tərəfdən milli məzmun daşısa da, digər tərəfdən əsl sənət sərhəd tanımadığı kimi bu əsərin mövzusu da dünyəvi xarakter daşıyır.

“Kitabi Dədə Qorqud” eposunda bəhs olunan və Polad Bülbüloğlunun bəstəkarlıq istedadı sayəsində musiqi dili ilə təsvir edilən hadisələr hər bir xalqa yaxın olub, eyni zamanda bütün bəşəriyyətə şamil oluna bilən bir mövzudur.

«Eşq və Ölüm» baleti həyat və ölüm, məhəbbət və nifrət, dostluq və xəyanət kimi əbədi mövzulara toxunur. Bu tamaşa ölməz məhəbbət və qəhrəmanların igidliyi qarşısında ölümün acizliyini vəsf edir.