“Şaxta Baba haradadır?”
Yaş həddi: 3+
Müddəti: 55 dəqiqə
Dili: Azərbaycan
Müəllif: Saida Haqverdiyeva
Quruluşçu rejissor: Saida Haqverdiyeva
Quruluşçu rəssam: İqbal Əliyev
Bəstəkar: Musiqi tərtibatlı
Azərbaycan Dövlət Kukla Teatrı yenə öz ənənsinə sadiq qalıb. Belə ki, bu il də Yeni il bayramı və məktəblilərin qış tətili günlərinə yeni tamaşa hazırlayıb. Özü də bu dəfə tam başqa bir tərtibat və quruluş həlli ilə.
Uşaqlar, bilirsiniz, bu dəfə milli və dünya nağıl personajları, hamınızın sevimli qəhrəmanlarınız teatrın səhnəsində birləşəcəklər. Onlar oyuna sizi də qatmaqla “Şaxta baba haradadır?” sualına cavab tapmağa çalışacaqlar.
Hekayət Şaxta Babanın şənliyə gələrkən yolunu azması və sıx meşədə itməsi ilə başlayır. Macəra dolu tamaşada hadisələr komik və həyəcan dolu anların uğurlu səhnə həlli ilə davam edir.
Beləcə şər qüvvə hesab olunan personajlar nə qədər mane olmağa çalışsalar da sonda sevilən qəhrəmanlar onların planlarını pozur, Şaxta Babanı şənliyə çatdırmağa çalışırlar.
Hadisələrin sonunu bilmək və səhnəmizdəki bayram ovqatını duymaq üçün siz də bizə qoşulun.
