“Yeni Dalğa 2025” qalibi ilk dəfə Bakıda!

Müxtəlif dillərdə ifa etdiyi viral cover-larla interneti fəth edən sənətçi bu dəfə səhnədə müəllif mahnıları və dinləyicilərin sevdiyi hitlərdən ibarət xüsusi proqramla çıxış edəcək.

Qazaxıstanda yaşayan, koreya köklərinə sahib və rus dilində mükəmməl danışan Alex Lim əsl “dünya insanı”dır. Onun ifasında səslənən “Sказка в моей жизни”, “Когда мужчина влюблен”, “Белый лебедь”, “Confessa” kimi məşhur mahnılar artıq onun vizit kartına çevrilib.

Cəmi yarım il ərzində sosial şəbəkələrdə 500 mindən çox izləyici qazanan sənətçi, Andrey Malaxovun şousunda “Сибирские морозы” ifası ilə böyük populyarlıq əldə edib.

Onun solo işləri arasında “Обними меня”, “Мой рай” və “Люди” kimi duyğusal mahnılar yer alır. İyun ayında isə “Все впереди”, “Лети”, “Забывай” mahnılarını əhatə edən ilk EP albomunu təqdim edib.

2025-ci ilin avqustunda Kazanda keçirilən beynəlxalq “Yeni Dalğa” müsabiqəsinin qalibi olan Alex Lim layihə tarixində bu uğuru qazanan ilk qazaxıstanlı ifaçı olub.

Payızda isə sənətçi İqor Krutoy ilə birgə hazırladığı “Вокзал” və “Отпусти меня” mahnıları ilə dinləyiciləri bir daha heyran edib.