23 aprel, saat 20:00 - da, “ART-EAST MEDİA GROUP” şirkətinin təşkilatçılığı ilə "CinemaHit" multimedia şousuna dəvət edirik! 

Layihə  “Azərbaycanfilm” Kinostudiyasının, Azərbaycan Respublikasının Gənclər Fondu və Nizami Kino Mərkəzinin dəstəyi ilə Bakının mərkəzindəki  müasir tamaşa salonlarından birində - Nizami Kino Mərkəzində keçiriləcək. "AVANQARD" Kamera orkestrinin ifasında ən sevdiyiniz kinofilmlərin saundtrekləri yeni aranjemanda tamaşaçılara təqdim ediləcək. Məşhur filmlərin unudulmaz  musiqisi parlaq rəqs nömrələri,  xoreoqrafik kompozisiyalar və cizgi filmlərindən tanış fraqmentlərlə canlanacaq.