GİDON KREMER - 75
6+
Yaş məhdudiyyəti
Tədbirin müddəti
19:00 - 20:30

Tədbir haqqında

COVİD19 pasportu və ya immun sertifikatı olmayan tamaşaçılar tədbirə buraxılmır və əldə olunmuş biletlər geri qaytarılmır!

5 mart tarixində Heydər Əliyev Mərkəzində əfsanəvi skripkaçı və musiqi xadimi Gidon Kremerin 75 illiyinə həsr olunan konsert baş tutacaq.

Kompomissiz sənət dünyagörüşünə malik musiqiçi Gidon Kremer öz nəslinin ən hörmətli və nüfuzlu sənətçilərindən biri kimi dünya miqyasında şöhrət qazanmışdır.

Onun geniş repertuarı həm klassik əsərlər, həmçinin XX-XXI əsrlərin aparıcı bəstəkarlarının musiqiləri əhatə edir.

Heç bir başqa solist müasir bəstəkarların və yeni skripka musiqisinin maraqlarını Gidon Kremer qədər müdafiə etməmişdir.

O, Alfred Schnittke, Arvo Pärt, Giya Kancheli, Sofia Gubaidulina, Valentin Silvestrov, Luigi Nono, Edison Denisov, Aribert Reimann, Pēteris Vasks, John Adams, Victor Kissine, Michael Nyman, Philip Glass kimi bir çox müasir bəstəkarlarla sıx əməkaşlıq edib. Onların bir çoxu əsərlərini ilk ifaçısı adətən Maestronun özü olan Gidona həsr edirdi.

Beynəlxalq səviyyəli skripkaçı kimi o, Leonard Bernstein, Riccardo Muti, Claudio Abbado, Lorin Maazel, Herbert von Karajan, Nikolaus Harnoncourt və ya Seiji Ozawa kimi nüfuzlu dirijorlarla və ən böyük orkestrlərlə bərabər çıxış edir.

1997-ci ildə Gidon Kremer Baltik ölkələrindən olan 3 istedadlı gənc musiqiçilərdən ibarət "Kremerata Baltica Kamera" orkestrinin əsasını qoyub.

Mövcud olduğu müddətdə orkestr 50-dən çox ölkədə qastrol səfərində olub. Kollektivlə birlikdə görkəmli müasir ifaçılar, o cümlədən Jessye Norman, Mixail Pletnev, Thomas Zehetmair, Yo-Yo Ma və başqaları çıxış ediblər. Musiqiçilərin 50-dən çox CD-si buraxılıb və 2002-ci ildə orkestr GRAMMY və ECHO kimi nüfuzlu mükafatlara layiq görülüb.

Gidon Kremer 120-dən artıq albom buraxıb və "Ernst von Siemens Musikpreis", "Bundesverdienstkreuz", Moskvanın "Triumf" Mükafatı, "Unesco" və "Una Vita Nella Musica - Artur Rubinstein" kimi bir çox beynəlxalq mükafatlara layiq görülüb. Bundan əlavə 2016-cı ildə Yaponiyanın imperatoru onu musiqi dünyasında "Nobel "mükafatına bərabərləşdirilən "Praemium Imperiale" mükafatı ilə təltif edib.

Bu il maestronun 75 illiyi və onun yaratdığı "Kremerata Baltica" orkestrinin 25 illik yubileyi qeyd olunur. Sənətçilər ikiqat yubileylərini Kanada, Amerika, Avropa və Asiya şəhərlərinə qastrol səfərləri ilə qeyd edirlər.

Martın 5-də məşhur Maestro ilə birlikdə skripkaçı Madara Petersone (Latviya) və Azərbaycanın Əməkdar Artisti Fuad İbrahimovun rəhbərliyi ilə "Bakı Kamera" orkestri bir səhnədə çıxış edəcək.

GİDON KREMER - 75 GİDON KREMER - 75