Qarabağ Dirçəliş Fondunun təşəbbüsü və təşkilatçılığı, Azərbaycan Respublikasının Mədəniyyət Nazirliyinin təşkilati dəstəyi ilə Azərbaycan Dövlət Akademik Filarmoniyasında “Qarabağ gecəsi” adlı xeyriyyə konserti baş tutacaqdır. Konsertdə Xalq artistləri Fərhad Bədəlbəyli, Samir Cəfərov, Q.Qarayev adına Azərbaycan Dövlət Kamera Orkestrinin bədii rəhbər və baş dirijoru: Xalq artisti Fəxrəddin Kərimov, Əməkdar artistlər Aygün Zeynalova, Aygün Bəylər, Arzu Əliyeva, Ceyla Seyidova, Muğam müsabiqəsi qalibləri Günay İmamverdiyeva, Babək Şuşalı və digərləri ifa edəcəklər. Konsertin bilet satışından əldə olunan gəlir Qarabağın bərpası istiqamətində görülən işlərə töhfə vermək məqsədilə Qarabağ Dirçəliş Fonduna ianə olunacaq.

Konsertin sonunda rəsmi ziyafət təşkil olunacaqdır.

Məkan: Azərbaycan Dövlət Akademik Fİlarmoniyası
Tarix: 26 iyun
Saat: 18:30
Baş sponsor: “Avrora Qrup”
İnformasiya dəstəyi: "Azərbaycan Televiziya və Radio Verilişləri" Qapalı Səhmdar Cəmiyyəti