24 iyun tarixində dünya tanqosunun əfsanəvi siması və böyük sənətçisi Carlos Gardelin anım günündə, beynəlxalq El Calor en Baku festivalı çərçivəsində Bakı Musiqi Akademiyasının Opera Studiyasının Konsert Salonunda möhtəşəm Argentina tanqo gecəsi keçiriləcək.

Səhnədə Avropanın ən parlaq Argentina tanqo orkestr kollektivlərindən biri olan La Argenta Ensamble çıxış edəcək: 5 musiqiçi, güclü canlı ifa, Fernando Herreranın orijinal aranjimanları və Ximena Gonzalezin təsirli vokalı tamaşaçılara unudulmaz anlar yaşadacaq. Gecədə həmçinin dünya səviyyəli tanqo ustaları — Yanina Quiñones & Neri Piliu xüsusi qonaq qismində səhnəyə çıxacaqlar.

Konsert Bakıda keçirilən Argentina Mədəniyyəti Həftəsinin yekun tədbiri olacaq. Altı gün ərzində şəhərin tarixi mərkəzi — İçərişəhər musiqi, rəqs və qastronomiya ilə dolu canlı bir məkana çevriləcək.