COVİD-19 pasportu və ya imun sertifikatı olmayan tamaşaçılar tədbirə buraxılmır və əldə olunmuş biletlər geri qaytarılmır!
"Mən həmişə arzu etmişəm və arzu edirəm ki, Azərbaycan musiqisi yer kürəsinin bütün guşələrində səslənsin, onun haqqında hər şeyi bilsinlər, Azərbaycan xalqının özünəməxsus vizit kartı olsun, axı xalqın musiqisinə görə onun özü də tez – tez mühakimə olunur. Əgər mən bütün həyatımın arzusunu – arzumu qismən də olsa həyata keçirə bilmişəmsə, xoşbəxtəm!».
F. Əmirov
Oktyabrın 27-də Fikrət Əmirovun 100 illiyinə həsr olunmuş təntənəli konsert keçiriləcək.
Konsert proqramında Azərbaycan Dövlət Akademik Opera və Balet Teatrının solistləri Samir Səmədov, Fatimə Xələfova, Azərbaycan Respublikasının əməkdar artistləri Aleksey Miltıx, Cəmilə Kərimova, Sahib Paşazadə, "Sabah" qrupu, eləcə də istedadlı gənc musiqiçilər iştirak edəcəklər.
Tamaşaçıların diqqətinə həm musiqi, vokal, həm də balet partiyaları təqdim olunacaq.
F. Əmirovun musiqisi çox böyük cazibə gücünə malikdir.
Təntənəli konsert Bakıda Rus Evinin təşkilatçılığı ilə "StolicA RT" Teatrı tərəfindən təşkil edilib.
