GabalaFest 29 iyul – 3 avqust tarixlərində Qəbələdə musiqi, incəsənət və mədəniyyəti bir araya gətirir.
Altı gün ərzində festival qonaqlarını zəngin proqram gözləyir: uşaqlar və böyüklər üçün ödənişsiz master-klasslar, rəsm sərgisi, yarmarkalar, qastronomiya məkanları, müxtəlif yaradıcılıq fəaliyyətləri və açıq səma altında möhtəşəm konsertlər.
Festivalın hər günü musiqi, incəsənət və ilham dolu anlarla yadda qalacaq. Festivalın möhtəşəm finalı isə avqustun 3-də keçiriləcək böyük konsert olacaq.
Bu yay musiqinin, incəsənətin və mədəniyyətin canlandığı Qəbələdə görüşənədək!
XV Qəbələ Beynəlxalq Musiqi Festivalının Təntənəli Bağlanışı
Festivalın təntənəli bağlanış konserti Üzeyir Hacıbəyli adına Azərbaycan Dövlət Simfonik Orkestrinin iştirakı ilə keçiriləcək. Axşam klassik musiqinin parlaq əsərləri ilə yadda qalacaq.
Baş dirijor:
Azərbaycan Respublikasının Əməkdar artisti Fuad İbrahimov
Solistlər:
Azərbaycan Respublikasının Xalq artistləri
Azər Zeynalov (tenor)
Samir Cəfərov (tenor)
Azərbaycan Respublikasının Əməkdar artisti Elnarə Məmmədova (soprano)
Lalə Mürşüdlü (soprano)
Zərifə Alxazova (violin)
Nəcəf Vəliyev (trumpet)
