Uşaqlar üçün məşğələlər silsiləsi “Gənc rəssam”

Kimlər üçündür?
Rəsm çəkməyi, əl işləri hazırlamağı və bədii ideyalarını öz əlləri ilə gerçəkləşdirməyi sevən 9 yaşdan yuxarı uşaqlar üçün.

Nə ilə məşğul olacağıq?
Fikir yaradacaq, çəkəcək, kəsəcək, yapışdıracaq, quracaq və boyayacağıq. Mövzular arasında maskalar, fantastik baş geyimləri, ev üçün dekorlar, kartondan zirehlər və aksesuarlar yer alır.
Eyni zamanda incəsənət və kostyum tarixindən danışacaq, keçmişin böyük rəssamlarının yaradıcılığına, müasir incəsənətə və memarlığa toxunacağıq.

Niyə maraqlı və faydalıdır?
Hər iştirakçı:

• bədii alətlər və materiallardan istifadə etməyi öyrənəcək

• öz yaradıcı ideyalarını həyata keçirəcək

• hazırladığı maska, papaq və heykəlləri evə apararaq evini bəzəyəcək və ya yaxınlarına hədiyyə edəcək

• teatrın sehrli dünyasına daxil olacaq, səhnə arxasına baxacaq və aktyorların, rəssamların tamaşaya necə hazırlaşdığını görəcək

• rəsm və əl işlərini sevən yeni dostlar qazanacaq

• yaradıcı bacarıqlarını və özünə inamını inkişaf etdirəcək