Batut Gimnastika üzrə Dünya Kuboku.AGF Trophy

Tədbir haqqında

Yubiley ilini uğurla başa vuran Azərbaycan Gimnastika Federasiyası bu ilin fevral ayından etibarən yenidən yerli və beynəlxalq yarışlar mövsümünə start verir. Federasiyanın təşkil edəcəyi ilk yarış fevralın 18 və 19-da ənənəvi yarış məkanı olan Milli Gimnastika Arenasında keçiriləcək batut gimnastikası üzrə Dünya kuboku olacaq.

Böyüklər arasında təşkil olunacaq yarışda Azərbaycanla yanaşı, 16 ölkədən 63 gimnastın fərdi və sinxron proqramda çıxışı gözlənilir.

Ölkəmizi bu yarışda ötən il ölkəmizdə keçirilmiş Dünya kubokunun gümüş mükafatçısı Selcan Mahsudova təmsil edəcək.

İdmansevərlər batut ulduzlarının təqdimatında maraqlı mübarizəni İdman TV kanalı vasitəsilə canlı izləyə biləcəklər. Qeyd edək ki, batut gimnastikası Azərbaycanda 2013-cü ilin sonundan inkişaf etməyə başlayıb. Bu növ üzrə Dünya Kuboku Bakıda artıq altıncı dəfədir ki, təşkil olunur.  

Yarışlar haqqında ətraflı məlumat federasiyanın rəsmi internet səhifəsində mütəmadi olaraq yenilənəcək. Batut üzrə Dünya kuboku zamanı idmançıların maraqlı və rəngarəng performanslarını izləmək istəyən tamaşaçılar biletləri onlayn qaydada https://iticket.az/ saytından və şəhərin kassalarından əldə edə bilərlər. Biletlərin qiyməti təsnifat yarışlarına 7, final mərhələlərinə isə 10 manat təşkil edir.

 

*Qeyd: 6 yaşdan aşağı uşaqlar biletsiz buraxılır. Valideyn qucağında oturmaq şərti ilə

Yarışların başlama vaxtı:

18 fevral - 11:45

19 fevral - 12:00

 

Məkan: Milli Gimnastika Arenası

Ünvan: Bakı, H.Əliyev pr., 178

Keçid: “Koroğlu” metro stansiyası

Yaş məhdudiyyəti / Dil

6+
Batut Gimnastika üzrə Dünya Kuboku.AGF Trophy Batut Gimnastika üzrə Dünya Kuboku.AGF Trophy