“Azərbaycan xalçasının bədii əsaslarından müasir incəsənətdə istifadə imkanları” adlı mühazirə.

Azərbaycan Milli Xalça Muzeyində sənətşünaslıq üzrə fəlsəfə doktoru, vizual sənət nəzəriyyəçisi Elçin Şamillinin təqdimatında “Azərbaycan xalçasının bədii əsaslarından müasir incəsənətdə istifadə imkanları” mövzusunda mühazirə keçiriləcək. Sənətşünas alim mühazirədə çoxəsrlik mədəniyyətin unikal fenomeni kimi dəyərləndirdiyi Azərbaycan xalçası, onun vizual quruluşu, ümumi qanunları, strukturu və elementlərindən bəhs edəcək.

Çağdaş dövrdə və gələcəkdə incəsənət, dizayn və memarlıq sahələri üzrə mütəxəssislərin Azərbaycan Xalqının vizual dili olan xalça sənətindən istifadə imkanları barədə danışacaq. Qonaqlarla mövzu ətrafında müzakirələr aparılacaq, onları maraqlandıran suallar cavablandırılacaq.

21 fevral 2025 18:30-20:00