Əziz dostlar,
Hər dəyişən il həyatımızda möcüzələr yaradır. Hər kəsin gözlədiyi, sevimli və sehrli Yeni ilin gəlişinə sayılı günlər qalıb.
Möcüzəli, hədiyyəli, özü ilə yeni sevinclər gətirən təzə ilin gəlişini nəinki kiçiklər, hətta böyüklər də səbirsizliklə gözləyir.
Dünya Azərbaycanlılarının Həmrəylik Günü və Yeni il bayramı ərəfəsində Azərbaycan Gimnastika Federasiyası hər kəsi sevindirməyə qərar verib.
Dekabrın 27-si Milli Gimnastika Arenasında keçiriləcək “Oyuncaqların sərgüzəştləri” adlı əyləncəli Yeni il şousu zamanı əsl möcüzəvi bayram abu-havası yaşanacaq. Belə ki, ulduz gimnastların ifasında müxtəlif illərin bütün tanış cizgi filmləri qəhrəmanları ilə birlikdə sizi maraqlı Yeni il macərası gözləyir. “Woody” və “Buzz” oğurlanmış yeni il ulduzunu qaytarmaq üçün sehrli səyahətə çıxacaqlar. Bu işdə onlara "Peter Pan", “Dzin-Dzin pərisi”, “Pinokkio” və başqaları kömək edəcək.
Bu gözəl bayram ərəfəsində nağıllar aləminə qərq olaraq, özünüzü Yeni il əhval-ruhiyyəsi ilə sevindirin!
Əyləncəli şouda uşaqları sürprizlər və hədiyyələr də gözləyir.
Sizi Milli Gimnastika Arenasında gözləyəcəyik!
Biletlərin qiyməti yerlərdən asılı olaraq 12 və 15 manat təşkil edir.
