Uilyam Şekspir. “Romeo və Cülyetta”

Yaş həddi: 18+

Müəllif: Uilyam Şekspir

Quruluşçu rejissor:  Cənnət Səlimova (Xalq artisti)

Baş rolların ifaçıları: Günel Məmmədova, Ümman Budaqov

Janr:  faciə

Tamaşanın müddəti:  I hissə - 1 saat

                                                       II hissə - 1 saat

XVI əsrin sonu, XVII əsrin əvəlləri, intibah dövrünə təsadüf edən əsər feodal qayda-qanunlarına qarşı mübarizəni təsvir edir. Kapuletti və Montekki ailələri arasında çox qədim zamanlardan düşmənçilik var. İki düşmən nəslin gəncləri bir-birinə vurulur. Lakin orta əsr ətalətini qıra bilmirlər.

Cülyetta  ailəsinin qan düşməni  Romeonu çox sevir.  Rahib olmasına baxmayaraq, Lorenso bu məhəbbətə qarşı çıxmır. Kəbin  kəsir, yardım edəcəyini bildirir. Köhnə dünya ilə mübarizədə hər iki gənc məhv olsa da, onların ölümü bu nəsillər arasında  barışığa səbəb olur. Məhəbbət feodal əxlaq prinsiplərinə qalib gəlir.

İki gəncin nakam məhəbbətinə həsr olunmuş “Romeo və Cülyetta” faciəsi özünün ideyası ilə bu gün də aktuallığını qoruyub saxlamışdır. Bu ürək göynədən faciə saf məhəbbət, sədaqət, təmiz insani duyğuları təlqin edir, müasirlərimizin, xüsusilə gənclərin estetik tərbiyəsi üçün ideya daşıyıcısına çevrilir.