“Orta Əsr Ağsu Şəhəri” DÖVLƏT TARİX-MƏDƏNİYYƏT QORUĞU

“Orta Əsr Ağsu Şəhəri” Dövlət Tarix-Mədəniyyət Qoruğu
Ünvan: AZ0600, Ağsu rayonu, Ağsu şəhəri
Ümumi sahə: 104,70 ha
İstifadə forması: Nümayiş obyekti

Qoruq Azərbaycan Respublikası Prezidentinin 22.10.2019 tarixli 1498 nömrəli Sərəncamı ilə yaradılıb.

Orta əsr Ağsu şəhəri XVIII əsrdə ərazisinə və əhalisinin sayına görə Azərbaycanın ən böyük şəhərlərindən biri olmuşdur. 1735-ci ilin may ayında Nadir şahın göstərişi ilə Ağsu kəndi yaxınlığında inşa edilən qala uzun müddət bölgənin əsas siyasi və inzibati mərkəzi kimi fəaliyyət göstərmişdir. Şirvan xanları bu qalada iqamət etmiş, eyni zamanda qala müxtəlif hərbi toqquşmaların və üsyanların mərkəzinə çevrilmişdir.

Tarix boyu qala bir sıra hökmdar və sərkərdələrin hücumlarına məruz qalmışdır. XVIII əsr səyyahları Samuel Qmelin, Biberşteyn və Bronevski qala haqqında qiymətli məlumatlar vermişlər. Şirvan xanları dövründə Ağsuda sənətkarlıq, ticarət və mədəni həyat yüksək səviyyədə inkişaf etmişdir.