Sabirabad Rayon Mədəniyyət Mərkəzi xüsusi layihə əsasında inşa olunmuş və 9 sentyabr 1976-cı ildən fəaliyyət göstərir. İlkin olaraq Sabirabad rayon Mədəniyyət evi kimi fəaliyyətə başlamışdır. 25 iyun 2015-ci il tarixdə Mədəniyyət və Turizm Nazirliyinin müvafiq əmri ilə Mədəniyyət Mərkəzi statusu almışdır.

Binada əsaslı təmir və yenidənqurma işləri 2013-cü ilin aprel ayında başlanmış və həmin ilin dekabrında başa çatdırılmışdır. 15 dekabr 2014-cü ildə yenidənqurmadan sonra binanın açılışı olmuşdur.

İkimərtəbəli bina ümumilikdə 3204 kvadratmetr sahəni əhatə edir. Mərkəzdə konsert zalı, sərgi zalları, dərnək otaqları, kitab fondu və müxtəlif mədəni tədbirlərin keçirilməsi üçün nəzərdə tutulmuş digər məkanlar mövcuddur. Burada müxtəlif yaradıcılıq kollektivləri və dərnəklər fəaliyyət göstərir. Mərkəzin əsas məqsədi regionun mədəni həyatını inkişaf etdirmək, xalq yaradıcılığını dəstəkləmək və qeyri-maddi mədəni irsin qorunmasına töhfə verməkdir.