Sabirabad Rayon Tarix-Diyarşünaslıq Muzeyi

Sabirabad Rayon Tarix-Diyarşünaslıq Muzeyi 1986-cı ildə fəaliyyətə başlamışdır. Muzey Sabirabad rayonunun qədim dövrlərdən bu günə qədərki tarixini və mədəni inkişafını əks etdirir. Ümumi sahəsi 480 kvadratmetr olan binada altı ekspozisiya zalı, fond və inzibati otaqlar yerləşir.  

Muzeyin kolleksiyasında minlərlə eksponat qorunur. Buraya arxeoloji tapıntılar, etnoqrafik və məişət əşyaları, tətbiqi sənət nümunələri, sənədlər, fotoşəkillər və rayonun təbii və mədəni irsini əks etdirən materiallar daxildir. Muzeyin əsas məqsədi regionun tarixi yaddaşını qorumaq, tədqiq etmək və ictimaiyyətə təqdim etməkdir.