XVIII əsrin memarlıq abidəsidir. Dahi Azərbaycan bəstəkarı Üzeyir Hacıbəyli bu evdə doğulmuşdur. Ev-muzeyi 1959-cu ildə yaradılmışdır. 1992-ci ilin may ayının 8-ində Şuşanın erməni qəsbkarları tərəfindən işğalına kimi fəaliyyət göstərmişdir. Muzeyin ekspozisiyasında Hacıbəyovlar ailəsinə məxsus ev əşyaları ilə yanaşı, Üzeyir bəyin şəxsi əşyaları, şəkilləri, kitabları, ona həsr olunmuş və muzeyə bağışlanmış kitablar mühüm yer tuturdu. 1985-ci ildə Üzeyir Hacıbəyovun 100 illik yubileyi geniş qeyd olunmuş, dünyanın bir çox ölkəsindən gəlmiş qonaqlar Ü. Hacıbəyovun Şuşadakı ev-muzeyini ziyarət etmiş, burada böyük yubiley tədbirləri keçirilmişdir. 1992-ci ilin may ayının 8-də Şuşa şəhərinin erməni təcavüzkarları tərəfindən işğalından sonra muzey fəaliyyətini dayandırmışdır. Şuşa işğaldan azad ediləndən sonra ev muzeyində bərpa işləri həyata keçirilir.