Andru Donalds – yamaykalı müğənni və mahnı müəllifidir. O, Kinqstonda doğulub, məktəbi bitirdikdən sonra musiqi fəaliyyətini inkişaf etdirmək məqsədilə İngiltərə, Niderland və ABŞ-da yaşayıb. 1994-cü ildə ilk studiya albomunu təqdim edib, həmin albomdan yayımlanan “Mishale” isə 1995-ci ildə ABŞ-ın Billboard Hot 100 siyahısında 38-ci yerə yüksələrək ona beynəlxalq şöhrət qazandırıb. Sonrakı illərdə “Save Me Now”, “Simple Obsession” və “All Out of Love” kimi mahnılarla uğurunu davam etdirib. 1999-cu ildən Michael Cretunun yaratdığı Enigma layihəsinin əsas vokalçılarından biri kimi bir neçə albomun yazılmasında iştirak edib. Özünəməxsus səsi ilə pop, reqqi, soul və rok üslublarını birləşdirir.
Janr:
Pop / Reqqi / Soul / Rok
Məşhur mahnılar:
• Mishale
• All Out of Love
• Simple Obsession
• Save Me Now
• Somebody’s Baby
