Bu tədbir QR bilet formasında və ya fiziki bilet olaraq şəhərin kassalarında satılır. QR biletlər tədbir günü aktiv olacaqdır. QR biletlərinizi istifadə etmək üçün iTicket.AZ mobil tətbiqində şəxsi hesabınıza daxil olmalısınız.
QR bilet haqqında daha ətraflı: QR bilet
Sonsuzluğa açılan bir yol, zamanın dayanmadığı bir məkan və insanlığın son ümidi...
Dəniz sahilində, ulduzların altında və açıq səma altında "Interstellar" filmi ilə zaman və məkanın sərhədlərini aşan unudulmaz bir kino təcrübəsinə hazırsınızmı?
Yer kürəsi tükənmək üzrədir. Ümidlərin azaldığı bir dövrdə, pilot və mühəndis Kuper bəşəriyyətin sağ qalması naminə elmi tədqiqatçılardan ibarət bir heyətlə birlikdə naməlum bir qurd dəliyindən keçir. Onların məqsədi — insanlıq üçün yeni, yaşanacaq bir dünya tapmaqdır. Lakin qarşıda onları fizikanın sərhədlərindən daha çətin bir şey gözləyir: zaman, vicdan və sevgi ilə sınaq.
Kristofer Nolan-ın rejissorluğu, real elmi nəzəriyyələrə söykənən möhtəşəm vizual təsvirlər, Hans Zimmer-in tükürpədici musiqisi və aktyorların güclü performansı bu filmi təkcə bir fantastik əsər deyil, XXI əsrin ən dərin fəlsəfi kinosu halına gətirir.
Bu gecə dənizin sahilində, səmanın sonsuzluğunda "Interstellar" ilə zamanın harada başlayıb harada bitdiyini birgə hiss edək.
