Bu tədbir QR bilet formasında və ya fiziki bilet olaraq şəhərin kassalarında satılır. QR biletlər tədbir günü aktiv olacaqdır. QR biletlərinizi istifadə etmək üçün iTicket.AZ mobil tətbiqində şəxsi hesabınıza daxil olmalısınız.
QR bilet haqqında daha ətraflı:  QR bilet

Xalq artisti Baba Mahmudoğlu 1969-cu ildən Azərbaycan Dövlət Akademik Opera və Balet Teatrına dəvət olunub, 2005-ci ilə kimi fasiləsiz olaraq muğam bölməsinin aparıcı solisti kimi bir çox operalarda baş rollarda: Ü.Hacıbəylinin “Leyli və Məcnun” operasında Məcnun, “Əsli və Kərəm”də Kərəm, M.Maqomayevin “Şah İsmayıl” operasında Şah İsmayıl, Z.Hacıbəyovun “Aşıq Qərib” operasında Aşıq Qərib, C.Cahangirovun “Xanəndənin taleyi” operasında Mirseyid, Ş.Axundovanın “Gəlin qayası” əsərində Camal rolunda çıxış edən xanəndə parlaq, yaddaqalan səhnə obrazları yaradıb. “Gəlin qayası”, “Xanəndənin taleyi”, “Aşıq Qərib” operaları və 200-dək mahnı və muğamlar onun ifasında radionun qızıl fonduna yazılıb. 1980-ci ildə xalqın hafizəsindən silinmiş və yaddan çıxmış xalq mahnılarını gələcək nəsillərə çatdırmaq üçün “Dastan” folklor ansamblını yaradıb. İlk dəfə olaraq klassik aşıq havaları orijinal şəkildə folklor ansamblının ifasında lentə yazılıb. Dünyanın 63 ölkəsində Azərbaycan musiqisini uğurla təmsil edib. 
Xanəndənin yubiley gecəsində xatirəsi yad olunacaq və vaxtilə repertuarında yer alan mahnılar səslənəcək.