Bu tədbir QR bilet formasında və ya fiziki bilet olaraq şəhərin kassalarında satılır. QR biletlər tədbir günü aktiv olacaqdır. QR biletlərinizi istifadə etmək üçün iTicket.AZ mobil tətbiqində şəxsi hesabınıza daxil olmalısınız.
QR bilet haqqında daha ətraflı: QR bilet
Enzo Favata beynəlxalq səhnədə Sardiniyanın ən fəal və tanınmış musiqiçilərindən biridir. Onun yaradıcılığı səsin çoxşaxəli tədqiqi, ənənəvi ilə müasirliyin harmonik birləşməsi və müxtəlif musiqi mədəniyyətlərinin sintezidir.
Enzo soprano, sopranino və tenor saksafonlarda, bas-klarnetdə və Sardiniyaya məxsus xalq nəfəs alətlərində ifa edir. O, həmçinin elektron effektlərdən və canlı elektronika ilə akustikanı ustalıqla birləşdirməklə tanınır.
Favata Dino Saluzzi, Miroslav Vitous, Dave Liebman, Enrico Rava, Art Ensemble of Chicago, Django Bates, Trilok Gurtu, Lester Bowie, Mulatu Astatke və digər əfsanəvi musiqiçilərlə əməkdaşlıq etmişdir.
Enzo həm də kino, teatr, radio və televiziya üçün yazdığı saundtreklərlə, eləcə də muzey və sərgilər üçün yaratdığı səs instalyasiyaları ilə tanınır. The Seer filmi üçün bəstələdiyi musiqi İspaniyada keçirilən beynəlxalq festivalda “Ən yaxşı musiqi” mükafatına layiq görülmüşdür.
1920-ci illərin Çikaqosunda cərəyan edən, caz-noir üslubunda səhnələşdirilmiş "Çikaqo" adlı kult Brodvey müzikli Bakı Caz Festivalı 2025 üçün xüsusi olaraq uyğunlaşdırılıb. Bu versiyada Fəxri bəy sevgi və intriqaların qurbanına çevrilir. Əsas personajlar — qətldə ittiham olunan iki kabare artisti Roksi Hart və Velma Kellidir. Onlar həbsdən yayınmaq üçün hiylələrə, yalanlara, parlaqlığa və çevik vəkil Billi Flinnin köməyinə müraciət edirlər.
Müzikal ədalət sistemi, media və məşhurluq kultunu kəskin satira ilə tənqid edir. Bob Foss üslubunda parlaq xoreoqrafiya, caz musiqisi və "All That Jazz", "Cell Block Tango", "Razzle Dazzle" kimi məşhur nömrələrlə seçilir.
Baş rollarda Azərbaycanın səhnə ulduzları — Diana Hacıyeva, Dilarə Kazımova, Orxan Ağayev və Ülviyyə Rəhimova çıxış edirlər. Rejissor Əziz Əzizov
