Azərbaycan Uşaq Fondunun təşkilatçılığı ilə 31 may tarixində saat 16:00-da Azərbaycan Dövlət Uşaq Filarmoniyasında “Parlaq Uşaqlıq” adlı konsert proqramı keçiriləcək. Tədbirdə istedadlı uşaqlar müxtəlif nominasiyalar üzrə öz bacarıqlarını nümayiş etdirəcəklər. Konsertdə İMEC məktəbinin şagirdləri ilə yanaşı, xüsusi qayğıya ehtiyacı olan uşaqlar da səhnə alacaqlar. Beynəlxalq Uşaq Gününə həsr olunan bu xeyriyyə konsertinin əsas məqsədi uşaqların istedad və potensialının cəmiyyətə təqdim olunmasıdır.