Dünya kubokunun ardınca idman gimnastları 15-17 mart tarixlərində yenidən Milli Gimnastika Arenasına toplaşacaqlar.
Bu dəfə onlar idman gimnastikası üzrə AGF Trophy adlı beynəlxalq turnirdə çıxış edəcəklər.
Yarışda Azərbaycanla yanaşı, Kanada, İran, Qazaxıstan, Ukrayna, Özbəkistan, Gürcüstan komandalarını təmsil edən idmançılar qüvvələrini sınayacaqlar.
Qeyd edək ki, böyüklər və gənclər arasında yarış Beynəlxalq Gimnastika Federasiyası (FIG) tərəfindən təsdiq olunub. Yarışda yeniyetmələr də yarış çərçivəsində öz qüvvələrini sınayacaqlar.
Azərbaycanı yarışda böyüklər arasında Nikita Simonov (halqalar), İvan Tixonov (çoxnövçülük), Rəsul Əhmədzadə (çoxnövçülük), Mənsum Səfərov (sərbəst hərəkətlər, dayaqlı tullanma, turnik), Murad Ağarzayev (sərbəst hərəkətlər, dəstəli at, halqalar, dayaqlı tullanma, parallel qollar) gənclər arasında Nihat Muradlı (çoxnövçülük) və Aydın Əlizadə (çoxnövçülük) təmsil edəcəklər.
Yarışın ilk iki günü təsnifat mərhələləri, sonuncu gün isə final mərhələsi keçiriləcək.
Gənc və böyükyaşlı gimnastların maraqlı və həyəcanlı çıxışlarını izləmək üçün Milli Gimnastika Arenasına tələsin.
Tamaşaçılar biletləri onlayn qaydada https://iticket.az/ saytından və şəhərin kassalarından əldə edə bilərlər.
Biletlərin qiyməti təsnifat yarışlarına 7, final mərhələlərinə isə 10 manat təşkil edir.
Ətraflı məlumatı isə federasiyanın saytından əldə edə bilərsiniz.
Məkan: Milli Gimnastika Arenası
Telefon: (+994 12/51) 566-96-99
Ünvan: Bakı, H.Əliyev pr., 178
Keçid: “Koroğlu” metro stansiyası
