16 oktyabr 2024-cü il - çərşənbə
16.00 - 16.30
Açılış mərasimi
16.30 - 17.50
Təsnifat / Gənclər / Kişilərdən ibarət komandalar
17.50 - 19.10
Təsnifat / Gənclər / Qarışıq komandalar
19.30 - 21.30
Təsnifat / Gənclər / Qadınlardan ibarət komandalar
17 oktyabr 2024-cü il - cümə axşamı
12.00 - 13.40
Təsnifat / Böyüklər / Qadınlardan ibarət komandalar
14.20 - 16.25
Təsnifat / Böyüklər / Qarışıq komandalar
17.00 - 18.40
Təsnifat / Böyüklər / Kişilərdən ibarət komandalar
18 oktyabr 2024-cü il - cümə
13.00 - 14.40
Finallar / Gənclər / Kişilərdən ibarət komandalar
15.00 - 16.45
Finallar / Gənclər / Qarışıq komandalar
17.00 - 18.45
Finallar / Gənclər / Qadınlardan ibarət komandalar
19 oktyabr 2024-cü il - şənbə
12.00 - 13:45
Finallar / Böyüklər / Qadınlardan ibarət komandalar
14.00 - 15.45
Finallar / Böyüklər / Qarışıq komandalar
16.00 - 17.45
Finallar / Böyüklər / Kişilərdən ibarət komandalar
“SmartScoring” mükafatı - “Shooting Star”
Mükafatlandırma mərasimi / “All-Stars”
Bağlanış mərasimi
Azərbaycanın paytaxtı yenidən gimnastikasevərlərin diqqət mərkəzlərindən birinə çevriləcək. Oktyabrın 16-dan 19-dək Bakıda ilk dəfə olaraq “TeamGym” üzrə Avropa çempionatı keçiriləcək. Bu, 3 alət üzrə çıxışları əhatə edən komanda yarışıdır. İştirakçılar “TeamGym” xalçası, akrobatika cığırı və trampet (mini batut) üzərində bacarıqlarını nümayiş etdirəcəklər. Avropa qitəsinin ən yaxşı komandaları Milli Gimnastika Arenasında çempion titulu uğrunda mübarizə aparacaqlar. Tamaşaçılar bu yeni inkişaf edən növ üzrə çıxışları ilk dəfə izləyəndə izaholunmaz duyğular yaşayacaqlar.
“TeamGym” Azərbaycanda 2018-ci ildən inkişaf etdirilməyə başlanılıb. Bu gün ölkəmizdə gimnastikanın bu növü üzrə həm peşəkar idmançılarımız, məşqçilərimiz, həm də hakimlik korpusunun nümayəndələri var. “TeamGym”də qələbə qazanmaq üçün fərdi bacarıq və səriştələrdən əlavə, uğurlu komanda işi də vacibdir. Burada qalib psixoloji, eyni zamanda fiziki cəhətdən hazır olan şəxslərdir. Sizi bu idman festivalından, yüksək titullar uğrunda mübarizədən, izləyənləri valeh edəcək canlı rəqabətdən zövq almağa dəvət edirik.
Artıq on dörd ölkənin nümayəndələri Avropa çempionatında iştirak etmək üçün qeydiyyatdan keçib. Milli Gimnastika Arenasında Çexiya, Danimarka, Avstriya, Estoniya, Finlandiya, Böyük Britaniya, İslandiya, İtaliya, Lüksemburq, Hollandiya, Portuqaliya, Norveç, İsveç və təbii ki, yarışın ev sahibi komandasının idmançıları çıxış edəcəklər. Bakıya 268-i böyüklər və 230-u yeniyetmələr olmaqla ümumilikdə 498 idmançı gələcək. 28 hakim öz növünün əsl ustası olanların çıxışlarını qiymətləndirəcək. Hər birinizi bu idman şousunu izləməyə dəvət edirik. Bu idman bayramının bir hissəsi olmaq şansını qaçırmayın.
