Tamblinq üzrə paytaxt birinciliyinin ardınca noyabrın 6-da Bakı Olimpiya İdman Kompleksində Azərbaycan Gimnastika Federasiyasının yenidən qurulmasının 20 illiyinə həsr olunmuş batut gimnastikası üzrə 6-cı Bakı birinciliyi keçiriləcək.

İdmançılar balacalar (2015-ci il), uşaqlar (2012-2014-cü illər), yeniyetmələr (2010-2011-ci illər), gənclər (2006-2009-cu illər) yaş kateqoriyasında qüvvələrini sınayacaqlar. Yarışda “Ocaq Sport” klubu və Bakı Gimnastika Məktəbinin kişilər arasında 55, qadınlar arasında 46 idmançısı fərdi proqramda öz aralarında paytaxtın ən güclüsünü müəyyənləşdirəcək.

Bakı birinciliyində gimnastikasevərlər batutçuların maraqlı çıxışlarına şahidlik etmək imkanı qazanacaqlar.
Yarışda iştirak etmək arzusunda olan tamaşaçılar biletləri onlayn qaydada https://iticket.az/ saytından və şəhərin kassalarından əldə edə bilərlər. Biletlərin qiyməti 3 manat təşkil edir.

Yarış haqda məlumatlar mütəmadi olaraq www.agf.az saytında yenilənəcək. 

Yarış saat 12:00-da başlayacaq
Ünvan: Bakı Olimpiya İdman Kompleksi
Bakı şəh., Olimpiya küç., 7
Tel.: +99412 465 2274

6 noyabr 2022-ci il

12:00-12:05              Açılış mərasimi

12:05-13:00               Qrup 1 - fərdi çıxışlar / kişilər və qadınlar

                                Balacalar (2015-ci il)

13:00-13:10               Mükafatlandırma mərasimi

13:10-13:25               Fasilə

13:25-14:25               Qrup 2 - Fərdi çıxışlar / kişilər və qadınlar

                                Uşaqlar (2012-2014-cü illər)

14:25-14:40               Fasilə

14:40-15:35               Qrup 3 - Fərdi çıxışlar / kişilər və qadınlar

                                Uşaqlar (2012-2014-cü illər), yeniyetmələr (2010-2011-ci illər), gənclər (2006-2009-cu illər)

15:35-15:50               Mükafatlandırma mərasimi