"Tənhalığın evi"

(Ekzistensial tragikomediya)

            Adından və janrından məlum olduğu kimi səhnə əsərimiz mənəvi və psixoloji həqiqətlərə söykənir. Çıxılmazlıq durumunda, xəyal gücünün sərhədsiz imkanlarının aktivləşməsi baş verir. Bu xüsusda paralel dünyalar, gerçəklik və yoxluğun paradoksal təzadları ön plana çıxır. Qəhrəmanlarımız daxili tənhalığın sentimental dalğalarında münasibətilərini aydınlaşdırmağa çalışırlar. Onlar endikləri dərinlikdən çıxmaq üçün çarpışırlar. Bəlkə də, haradasa, nə vaxtsa həqiqi həqiqətlə üz-üzə gələcəklər. Hələlik isə indi və buradadırlar...