“Xeyir-Xəbər” tamaşasının annotasiyası
Xeyir-Xəbər tamaşası Əməkdar incəsənət xadimi Əli Əmirlinin eyni adlı pyesi əsasında hazırlanıb və bir hissəli lirik-psixoloji qəhramanlıq dramıdır.
“Xeyir-Xəbər” tamaşası 44 günlük Vətən müharibəsində həlak olmuş şəhidlərin əziz xatirəsinə, eyni zamanda qazilərin, müharibə veteranların qəhramanlığına ithaf olunub. Səhnə əsərində Azərbaycan xalqının 44 gün ərzində dəmir yumruq ətrafındakı birliyi, bütövlüyü, Ali Baş
Komandanın xalqa verdiyi xeyir xəbərlər öz əksini tapıb. Qarabağın bütövlükdə Azərbaycan xalqı üçün əhəmiyyəti göz önünə gətirilib.
44 günlük həyat həqiqətləri kəndə bir ailənin timsalında ümumiləşdirilərək təqdim olunur. Tamaşa canı-qanı ilə bu torpaqlara bağlı olan ailənin tək övladı olan Muradın üzünü görmədiyi dədə-baba torpaqların xilas etməsi məqsədilə könüllü olaraq döyüşə qatılması ilə başlayır. Füzuli şəhərini düşmən hücumundan müdafiə etmək məqsədi ilə özünü irəli ataraq əsgər yoldaşlarını və Füzuli şəhərini növbəti dəfə işğaldan azad edən Muradın şəhid xəbəri yayılır, lakin sonrada özündə güc taparaq neytral zonada yaralı halda tapılan Muradın timsalında Azərbaycan əsgərinin qəhramanlığı, qorxmazlığı, şücaəti təqdim olunur. Daha sonra Muradın sağalaraq evə qayıtması çəkdivi psixoloji və mənəvi sarsıntılar ilə Müharibədən sonrakı həyat həqiqətləri göz önünə gətirilərək əldə olunan qələbənin heç də asan başa gəlməməsi tamaşaçılara təqdim olunurraq silinməz bir iz olduğu vurğulanır. Eyni zamanda dövlətin öz əsgərinin, qazisinin, şəhid ailələrinin yanında olması ön planda təqdim olunur.
