DALĞA MUSİQİ QRUPU
1990-cı ildə Təbrizdə Çingiz Mehdipurun rəhbərliyi ilə yaradılan Dalğa Musiqi Qrupu aşıq musiqisini yeni ifa üslubu və kollektiv ifa forması ilə təqdim edərək bu qədim sənətə yeni nəfəs gətirmişdir.
Milli musiqi ənənələrini yeni musiqi düşüncəsi və harmonik yanaşma ilə zənginləşdirən Dalğa aşıq sənətinin yeni nəsillərə sevdirilməsində və dünyaya tanıdılmasında mühüm rol oynamışdır.
Dünyanın 30-dan artıq ölkəsində konsertlər verən qrup aşıq musiqisinin beynəlxalq miqyasda təbliğinə töhfə verməklə yanaşı, yaratdığı yeni ifa üslubu ilə özündən sonra gələn çoxsaylı musiqi kollektivlərinə də təsir göstərmişdir. Bu gün Dalğa aşıq musiqisində ənənə ilə yeniliyi birləşdirən və özünəməxsus sənət yolu açan bir kollektiv kimi fəaliyyətini davam etdirir